Piękne czasy

1. Dzisioj som dzieci zbestwione w pierony,

choć mają wszystko, co yno chcą.

/Człowiek robotom jest durś zagoniony,

a tukej słyszysz, że jeszcze im źle./:

Ciuchy z butiku, szczewiki skórzane,

stereo, wideo i pieron wie co,

/a jo w tym wieku miołl łachy łotane,

jak mi się mierzło, to w kulki żech groł/:

Ref. Młode lata są za nami

Odżywają wspomnieniami

2. Ze staryj biksy zrobiłżech kadzidło

zwionzołech sznorom i pyrtoł jak trza.

/Felga patykiem po placu żech kuloł

fajnoch zabawa mioł kożdego dnia/:

W lato lotało się sztyjc po bosoku

nogi szczaskane żech cołki czas mioł

Na wieczór zjodżech talyrz hawerfloków

Ledwoch się umył, to zaro żech społ.

Ref.

Młode lata są za nami

Odżywają wspomnieniami

3. Dzisioj tablety, laptopy, smartfony,

portale, fejsbooki i pieron wie co

/a jo pamiętom patefon od omy

świat był weselszy i to było to/:

Ref.

Młode lata są za nami

Odżywają wspomnieniami x4